തിരുവനന്തപുരം: സംസ്ഥാനത്ത് വരും ദിവസങ്ങളില് ചൂട് ഉയരും.
മാർച്ച് 30 വരെ തൃശൂർ ജില്ലയില് താപനില 40 ഡിഗ്രി സെല്ഷ്യസ് വരെയും, കൊല്ലം, പാലക്കാട് ജില്ലകളില് താപനില 39 ഡിഗ്രി സെല്ഷ്യസ് വരെയും ഉയരാൻ സാദ്ധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
ഇതുകൂടാതെ പത്തനംതിട്ട ജില്ലയില് 38 ഡിഗ്രി സെല്ഷ്യസ് വരെയും, കോട്ടയം, എറണാകുളം, കോഴിക്കോട്, കണ്ണൂർ ജില്ലകളില് 37 ഡിഗ്രി വരെയും, ആലപ്പുഴ, മലപ്പുറം, കാസർകോട് ജില്ലകളില് 36 ഡിഗ്രി വരെയും താപനില ഉയരാൻ സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
അതേസമയം, ഇന്ന് നാല് ജില്ലകളില് വേനല് മഴയ്ക്കും സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കൊല്ലം, ആലപ്പുഴ, കോട്ടയം, എറണാകുളം ജില്ലകളിലാണ് മുന്നറിയിപ്പ്.
നാളെ ആലപ്പുഴയിലും എറണാകുളത്തും മഴയ്ക്ക് സാദ്ധ്യതയുണ്ട്. കേരള – കർണാടക – ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ലെന്ന് അധികൃതർ അറിയിച്ചിട്ടുണ്ട്.