ചെന്നൈ: രാജ്യത്ത് ആരോഗ്യരംഗത്തെ പ്രധാന ഇന്ഷൂറന്സ് കമ്പനികളിലൊന്നായ സ്റ്റാര് ഹെല്ത്ത് ആന്ഡ് അലൈഡ് ഇന്ഷൂറന്സില് ഞെട്ടിക്കുന്ന വിവര ചോര്ച്ച.
സ്റ്റാര് ഹെല്ത്ത് ഇന്ഷൂറന്സ് എടുത്ത 3.1 കോടിയാളുകളുടെ ഫോണ് നമ്പറും ആരോഗ്യവിവരങ്ങളും ടെലഗ്രാമില് വില്പനയ്ക്ക് വച്ചിരിക്കുന്നതായാണ് ഹാക്കറുടെ അവകാശവാദം. വിവര ചോര്ച്ച സംഭവിച്ച കാര്യം സ്റ്റാര് ഹെല്ത്ത് സ്ഥിരീകരിച്ചിട്ടുണ്ട്.
ഇന്ത്യന് ആരോഗ്യരംഗത്തെ ഞെട്ടിച്ച ഡാറ്റ ലീക്കിന്റെ നടുക്കടലിലാണ് സ്റ്റാര് ഹെല്ത്ത് ആന്ഡ് അലൈഡ് ഇന്ഷൂറന്സ്. ഇന്ഷൂറന്സ് ഉപഭോക്താക്കളുടെ മൊബൈല് നമ്പര്, പാന് കാര്ഡ് വിവരങ്ങള്, വിലാസം, ആരോഗ്യ വിവരങ്ങള് എന്നിവ ഹാക്കര് ടെലഗ്രാം ബോട്ടുകള് വഴി പുറത്തുവിടുകയായിരുന്നു.
രണ്ട് ടെലഗ്രാം ബോട്ടുകളില് സ്റ്റാര് ഹെല്ത്ത് ഉപഭോക്താക്കളുടെ വിവരങ്ങള് ലഭ്യമാണ് എന്നാണ് റിപ്പോര്ട്ട്. xenZen എന്ന് സ്വയം പേരിട്ടിരിക്കുന്ന ഹാക്കര് ഈ വിവരങ്ങളെല്ലാം ഒരു വെബ്സൈറ്റില് പ്രസിദ്ധീകരിച്ചുവെന്നും വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്യുന്നു.