തിരുവനന്തപുരം: എസ്.എസ്.എല്.സി, ഹയര് സെക്കണ്ടറി, വൊക്കേഷണല് ഹയര് സെക്കണ്ടറി പരീക്ഷാ മൂല്യനിര്ണ്ണയ തീയതി പ്രഖ്യാപിച്ച് മന്ത്രി വി ശിവന്കുട്ടി.
എല്ലാ പരീക്ഷകളുടെയും മൂല്യനിര്ണ്ണയം ഏപ്രില് മൂന്ന് മുതല് ആരംഭിക്കുമെന്ന് മന്ത്രി അറിയിച്ചു.
എസ്.എസ്.എല്.സി. മൂല്യനിര്ണ്ണയം 70 ക്യാമ്പുകളിലായി പതിനായിരത്തോളം അധ്യാപകര് പങ്കെടുക്കുമെന്നാണ് കണക്ക്.
ഹയര് സെക്കണ്ടറി മൂല്യനിര്ണ്ണയം 77 ക്യാമ്പുകളിലായി ഇരുപത്തി അയ്യായിരത്തോളം അധ്യാപകര് പങ്കെടുക്കും.
വൊക്കേഷണല് ഹയര് സെക്കണ്ടറി മൂല്യനിര്ണ്ണയം എട്ട് ക്യാമ്പുകളിലായി 2200 അധ്യാപകര് പങ്കെടുക്കുമെന്ന് മന്ത്രി അറിയിച്ചു. തെരഞ്ഞെടുപ്പ് നടപടി ക്രമങ്ങളെ ബാധിക്കാത്ത രീതിയിലായിരിക്കും മൂല്യനിര്ണ്ണയ ക്യാമ്ബുകളുടെ പ്രവര്ത്തനം.
മാര്ച്ച് 31 ഈസ്റ്റര് ദിനത്തില് മൂല്യനിര്ണയ ക്യാമ്പുകളുമായി ബന്ധപ്പെട്ട പ്രവര്ത്തനങ്ങള് അധ്യാപകര്ക്ക് ഉണ്ടാകുമെന്ന പ്രചാരണം വ്യാജമാണെന്നും മന്ത്രി വ്യക്തമാക്കി.