പതിനാറാം കേരള നിയമസഭയുടെ സ്പീക്കര് തിരഞ്ഞെടുപ്പ് ഇന്ന് നടക്കും. സഭാ ചരിത്രത്തിലാദ്യമായി സ്പീക്കര് സ്ഥാനത്തേക്ക് മൂന്ന് മുന്നണികളുടെ സ്ഥാനാര്ത്ഥികളും മത്സരിക്കുന്നുണ്ട്. തിരുവഞ്ചൂര് രാധാകൃഷ്ണന് ആണ് യുഡിഎഫിന്റെ സ്പീക്കര് സ്ഥാനാര്ത്ഥി. എസി മൊയ്തീന് എല്ഡിഎഫിന്റേയും ബിബി ഗോപകുമാര് എൻഡിഎയുടെയും സ്ഥാനാര്ത്ഥികളാണ്. ഇന്ന് രാവിലെ ഒമ്പത് മണിക്കാണ് വോട്ടെടുപ്പ് നടക്കുക. രഹസ്യബാലറ്റിലൂടെയാവും വോട്ടെടുപ്പ്. പ്രോടേം സ്പീക്കര് ജി സുധാകരന്റെ അധ്യക്ഷതയിലാണ് വോട്ടെടുപ്പ് നടക്കുക. വലിയ അംഗബലമുള്ളതിനാല് തിരുവഞ്ചൂര് രാധാകൃഷ്ണന് സ്പീക്കര് സ്ഥാനത്തേക്ക് തിരഞ്ഞെടുക്കപ്പെടുമെന്ന് ഉറപ്പാണ്.
ഫലം പ്രഖ്യാപിച്ച് കഴിഞ്ഞ ശേഷം സ്പീക്കറെ മുഖ്യമന്ത്രിയും പ്രതിപക്ഷ നേതാവും ചേര്ന്ന് ഇരിപ്പിടത്തിലേക്ക് ആനയിക്കും. സ്പീക്കർ തിരഞ്ഞെടുപ്പിന് ശേഷം പിരിയുന്ന സഭ മെയ് 29ന് വീണ്ടും ചേരും. 29നാണ് ഗവർണറുടെ നയപ്രഖ്യാപന പ്രസംഗം. ഡെപ്യൂട്ടി സ്പീക്കര് തിരഞ്ഞെടുപ്പ് ഇന്നില്ല. ജൂൺ ഒന്നിനാണ് ഡെപ്യൂട്ടി സ്പീക്കർ തിരഞ്ഞെടുപ്പ്.