കോട്ടയം: ഈക്കാലത്ത് സ്മാർട്ട് ഫോണില്ലാതെ ഒന്നും നടക്കില്ലെന്നതാണ് അവസ്ഥ. അതിപ്പോള് ഫോട്ടോ എടുക്കുന്നതോ, ആപ്പുകള് ഉപയോഗിക്കുന്നതോ അല്ല ഏതാണ്ട് എല്ലാക്കാര്യത്തിനും സ്മാർട്ട് ഫോണ് തന്നെ വേണം.
എന്നാല് അമിത ഉപയോഗം വഴി സ്മാർട്ട് ഫോണിനും ചില പ്രശ്നങ്ങള് വരാറുണ്ട്. അതിലൊന്നാണ് ഫോണിൻ്റെ ബാറ്ററി. ഉപയോഗം കൂടുമ്ബോള് ബാറ്ററിയും കുറയും. എന്നാല് ചില കാര്യങ്ങള് ശ്രദ്ധിച്ചാല് ഇത് നമ്മുക്ക് ഒഴിവാക്കാം. അത് എന്തൊക്കെയാണെന്ന് പരിശോധിക്കാം.
1. പവർ സേവിംഗ് മോഡ് ഓണാക്കുക
പെട്ടെന്ന് ഫോണിൻ്റെ ബാറ്ററി തീരുന്ന ഘട്ടത്തില് ചാർജിംഗ് നടക്കില്ലെന്നാണെങ്കില് ഫോണിൻ്റെ പവർ സേവിംഗ് മോഡ് പ്രവർത്തനക്ഷമമാക്കുക. ഇത് ഫോണിൻ്റെ ബ്രൈറ്റ്നെസ് കുറക്കും, ഒപ്പം പ്രവർത്തിക്കുന്ന ഗ്രൗണ്ട് പശ്ചാത്തല അപ്ലിക്കേഷനുകള് നിശ്ചലമാക്കുകയും , ഫോണിലെ റിഫ്രഷ് റേറ്റ് കുറയ്ക്കുകയും ചെയ്യും.
2. അഡാപ്റ്റീവ് പവർ
അഡാപ്റ്റീവ് പവർ മോഡ് ഫോണില് സെലക്ട് ചെയ്താല് ഫോണില് നിങ്ങള്ക്ക് ആവശ്യമുള്ള ആപ്പുകള് മാത്രമായിരിക്കും പ്രവർത്തിക്കുന്നത്. ഇത് പതിവായി ഉപയോഗിക്കുന്ന അപ്ലിക്കേഷനുകള്ക്ക് കൂടുതല് പവർ നല്കും. ഒപ്പം അനാവശ്യമായി പ്രവർത്തിക്കുന്ന മറ്റുള്ളവയെ പരിമിതപ്പെടുത്തും.
3. ഡാർക്ക് മോഡിലേക്ക്
ഡാർക്ക് മോഡിലേക്ക് മാറുകയും സ്ക്രീൻ ടൈംഔട്ട് കുറയ്ക്കുകയും ചെയ്യുന്നതും നല്ലതാണ്. ഫോണിന് ഒഎല്ഇഡി അല്ലെങ്കില് അമോലെഡ് സ്ക്രീൻ ഉണ്ടെങ്കില്, ഡാർക്ക് മോഡ് ഓണാക്കുന്നത് ബാറ്ററി ലാഭിക്കാൻ കഴിയും. സ്ക്രീൻ ടൈംഔട്ട് 15 അല്ലെങ്കില് 30 സെക്കൻഡായി കുറയ്ക്കുക, അതിനാല് ഉപയോഗത്തിലില്ലാത്തപ്പോള് സ്ക്രീൻ വേഗത്തില് ഓഫാകും.
4. ആപ്ലിക്കേഷനുകള് പരിശോധിക്കുക
ഫോണ് സെറ്റിംഗ്സില് ബാറ്ററി യൂസേജ് പരിശോധിച്ച് ഏത് അപ്ലിക്കേഷനുകളാണ് ഏറ്റവും കൂടുതല് ബാറ്ററി ഉപയോഗിക്കുന്നതെന്ന് പരിശോധിക്കുക. ഉപയോഗിക്കാത്ത അപ്ലിക്കേഷനുകള് സ്ലീപ്പ് മോഡില് ഇടുക. പ്രത്യേകിച്ച് യാത്ര ചെയ്യുമമ്പോള് ഇത് ചെയ്യാവുന്നതാണ്.
5. വോയ്സ് ഡിറ്റക്ഷൻ ഓഫ് ചെയ്യുക
ഗൂഗിള് അസിസ്റ്റൻസ് വോയിസ് ഡിറ്റെക്ഷൻ പരമാവധി ഒഴിവാക്കുക. ഇത് നിരന്തരം പശ്ചാത്തലത്തില് വരുന്നത് വഴി ബാറ്ററി തീരാം. സെറ്റിംഗ്സില് പോയി ഇത് ഡിസെബിള് ചെയ്യാം.
6. ലൊക്കേഷൻ
ഗൂഗിള് മാപ്പ് പോലെയുള്ള പ്രധാനപ്പെട്ട അപ്ലിക്കേഷനുകളിലേക്ക് മാത്രം ലൊക്കേഷൻ ആക്സസ് അനുവദിക്കുക. ഗെയിമുകള്, സോഷ്യല് മീഡിയ അല്ലെങ്കില് ഷോപ്പിംഗ് അപ്ലിക്കേഷനുകള് എന്നിവയ്ക്ക് ലോക്കേഷേൻ ആക്സസ് പെർമിഷൻ നല്കരുത്.