സന്നിധാനം:ശബരിമല മണ്ഡലമാസ തീര്ഥാടനതോടനുബന്ധിച്ച് ഇതുവരെയുള്ള വരുമാനം 210 കോടി രൂപയായി. അരവണ വിതരണത്തിലെ നിയന്ത്രണം തുടരാനും, റൂം ബുക്കിംഗ് റീഫണ്ടിനായി പ്രത്യേക കൗണ്ടര് തുറക്കാനും ദേവസ്വം ബോര്ഡ് തീരുമാനിച്ചു.
106 കോടി രൂപ അരവണ വില്പ്പനയിലൂടെയാണ് ലഭിച്ചിരിക്കുന്നത്. മുന്വര്ഷങ്ങളെ അപേക്ഷിച്ച് വരുമാനത്തില് വലിയ വര്ധനയാണ് ഉണ്ടായിരിക്കുന്നത്. വലിയ പ്രശ്നമില്ലാതെ സുഗമദര്ശനം സാധ്യമായ തീര്ഥാടന കാലമാണിത്.
ഭക്തരും മാധ്യമങ്ങളും സന്തോഷപ്രദമായ അനുഭവമായാണ് ഈ തീര്ഥാടനകാലത്തെ കാണുന്നതെന്നും പ്രസിഡന്റ് പറഞ്ഞു. ദേവസ്വം ഗസ്റ്റ് ഹൗസ് കോണ്ഫറന്സ് ഹാളില് ദേവസ്വം ഉദ്യോഗസ്ഥരുടെ യോഗത്തിനു ശേഷം സംസാരിക്കുകയായിരുന്നു അദ്ദേഹം.
റീഫണ്ടിന് പ്രത്യേക കൗണ്ടര് ഇന്നു മുതല്
താമസത്തിന് മുറിയെടുക്കുന്നവര്ക്ക് മുന്കൂറായി നല്കുന്ന നിക്ഷേപ തുക തിരികെ ലഭിക്കുന്നില്ലെന്ന് പരാതിക്ക് പരിഹാരമായി തുക തിരിച്ച് നല്കുന്നതിന് പ്രത്യേക കൗണ്ടര് തുറക്കുമെന്ന് ദേവസ്വം ബോര്ഡ് പ്രസിഡന്റ് പറഞ്ഞു.
കൗണ്ടറിലെ തിരക്ക് കാരണം പലര്ക്കും തുക മടക്കി വാങ്ങാന് കഴിയാതെ വന്നിരുന്നു. ഇതേ തുടര്ന്ന് പരാതി ഉയര്ന്നിരുന്നു. ഈ സാഹചര്യത്തിലാണ് റീഫണ്ട് കൗണ്ടര് തുറക്കുന്നതത്
ഇത് നിയന്ത്രിക്കുന്നതിന് പൊലീസുമായി ചര്ച്ച നടത്തുന്നുണ്ട്. എരുമേലി – അഴുത കാനന പാത വഴി വരുന്നവര്ക്ക് പ്രത്യേക പാസ് നല്കുന്നതുമായി ബന്ധപ്പെട്ട് വനം വകുപ്പുമായും സംസാരിച്ചിട്ടുണ്ട്. പരമാവധി ഭക്തര്ക്ക് ദര്ശനം സാധ്യമാക്കും. ഭക്തര്ക്ക് പ്രയാസമുണ്ടാക്കാത്ത വിധത്തില് ദര്ശനം ക്രമീകരിക്കുകയാണ് ലക്ഷ്യമെന്നും അദ്ദേഹം പറഞ്ഞു.