പത്തനംതിട്ട: മകരജ്യോതി ദര്ശനത്തിന്റെ ഭാഗമായി ഏഴിടത്ത് കൂടി സൗകര്യം.
തിരക്ക് കുറയ്ക്കുന്നതിനായി സന്നിധാനത്തിനും പമ്ബയ്ക്കും പുറമേ ജില്ലയില് ഏഴു കേന്ദ്രങ്ങളില് കൂടിയാണ് ജില്ലാ ഭരണകൂടം സൗകര്യം ഒരുക്കുന്നത്.
നീലിമല അപ്പാച്ചിമേട്, അട്ടത്തോട്, ഇലവുങ്കല്, നെല്ലിമല, അയ്യന്മല, ളാഹ, പഞ്ഞിപ്പാറ എന്നിവിടങ്ങളിലാണ് മകരജ്യോതി കാണാന് അവസരം.
ഇതില് പഞ്ഞിപ്പാറ സീതത്തോട് വില്ലേജിലാണ്. ശബരിമല, പമ്പ ഹില്ടോപ്, നീലിമല അപ്പാച്ചിമേട്, അട്ടത്തോട്, ഇലവുങ്കല്, ളാഹ എന്നിവ റാന്നി പെരുനാട് വില്ലേജിലാണ്. അയ്യന്മല, നെല്ലിമല എന്നിവ കൊല്ലമുള വില്ലേജിലും.
സന്നിധാനത്ത് മകരജ്യോതി ദര്ശനത്തിനായി ഏറ്റവും കൂടുതല് തീര്ഥാടകര് കാത്തിരിക്കുന്നത് പാണ്ടിത്താവളത്തിലാണ്. പമ്പയില് പൊന്നമ്പലമേട് ശരിയായി കാണാവുന്നത് ഹില്ടോപ്പിലാണ്.
അവിടെ ജ്യോതി ദര്ശനത്തിനായി പ്രത്യേക സുരക്ഷ ഒരുക്കാന് ശബരിമല എഡിഎം സൂരജ് ഷാജിയുടെ അധ്യക്ഷതയില് ചേര്ന്ന ഉന്നതതല യോഗം തീരുമാനിച്ചു.