പൂഞ്ഞാർ: തെക്കേക്കര പഞ്ചായത്തിലെ വെള്ളാപ്പാറയ്ക്കു സമീപം സ്ഫോടക വസ്തുക്കള് ഒളിപ്പിച്ച നിലയില് കണ്ടെത്തി.
വെള്ളാപ്പാറ പെരിങ്ങുളം റോഡിലെ കൈത്തോടിനു സമീപം പാറയ്ക്കടിയില് ഒളിപ്പിച്ച നിലയിലാണ് പാറ പൊട്ടിക്കുന്നതിനുള്ള കേപ്പ്, പശ, ഇലക്ട്രിക് വയർ എന്നിവടയക്കം കണ്ടെത്തിയത്.
സമീപത്തെ പുരയിടത്തില് എത്തിയ സ്ത്രീകളാണ് ഇവ ആദ്യം കണ്ടത്. പുരയിടത്തില് ഇട്ട ചക്ക താഴേയ്ക്ക് ഉരുണ്ടുപോയത് എടുക്കാനെത്തിയപ്പോഴാണ് പാറയ്ക്കടിയില് പെട്ടിയും മറ്റും കണ്ടത്. ഇവർ പ്രദേശവാസികളെ വിവരം അറിയിക്കുകയായിരുന്നു. ഡിറ്റണേറ്ററുകള് തിരിയില് ഘടിപ്പിച്ച നിലയിലായിരുന്നു.
ഈരാറ്റുപേട്ടയില് നിന്നു പോലീസ് സ്ഥലത്തെത്തി. തോടിനോട് ചേർന്നുള്ള പാറയ്ക്കടിയിലാണ് ഇവ കണ്ടെത്തിയത്. കൂടുതല് പരിശോധനകള് നടന്നുവരികയാണ്.