തൃശൂർ: പത്തുവയസുകാരനെ ലൈംഗികമായി പീഡിപ്പിച്ച കേസുമായി ബന്ധപ്പെട്ട് 52 വയസ്സുകാരന് 130 വർഷം കഠിന തടവും 8,75,000 രൂപ പിഴയും ശിക്ഷ.
പിഴ അടക്കാത്ത പക്ഷം 35 മാസം കൂടി അധികതടവ് അനുഭവിക്കുകയും വേണം. ഒരുമനയൂർ മുത്തമ്മാവ് മാങ്ങാടി വീട്ടില് കുഞ്ഞപ്പു മകൻ സജീവൻ (52) നെയാണ് ചാവക്കാട് അതിവേഗ സ്പെഷ്യല് കോടതി ജഡ്ജി അൻയാസ് തയ്യില് കുറ്റക്കാരനാണെന്ന് കണ്ടെത്തി ശിക്ഷ വിധിച്ചത്.
പത്തുവയസ്സുള്ള ആണ്കുട്ടിയെയും കൂട്ടുകാരനെയും ബൂസ്റ്റ് തരാം എന്നു പറഞ്ഞു വീടിൻ്റെ ടെറസിലേക്ക് കൂട്ടിക്കൊണ്ടുപോയി ലൈംഗിക അതിക്രമം നടത്തുകയും അതിനുശേഷം രണ്ട് പേർക്കും കൂടി പ്രതിഫലമായി ഒരു പാക്കറ്റ് ബൂസ്റ്റും നല്കി വീട്ടില് നിന്ന് ഇറക്കിവിട്ടു എന്നതാണ് പ്രധാന കേസ്.
പീഡനത്തെ കുറിച്ച് മാതാപിതാക്കളോട് പറഞ്ഞതിനെ തുടർന്ന് ചാവക്കാട് സ്റ്റേഷനില് കുട്ടിയുടെ രക്ഷിതാക്കള് പരാതി നല്കുകയായിരുന്നു