തിരുവനന്തപുരം: ക്രിസ്മസ്, പുതുവത്സര ആഘോഷങ്ങള് പ്രമാണിച്ച് ഡിസംബർ മാസത്തെ ക്ഷേമ പെൻഷൻ വിതരണം ഈ മാസം 15-ാം തീയതി മുതല് ആരംഭിക്കുമെന്ന് ധനകാര്യ വകുപ്പ് മന്ത്രി കെ.എൻ. ബാലഗോപാല് അറിയിച്ചു.
62 ലക്ഷത്തോളം ഗുണഭോക്താക്കള്ക്കാണ് ഈ ആനുകൂല്യം ലഭിക്കുക.
സാമൂഹ്യസുരക്ഷ, ക്ഷേമനിധി പെൻഷനുകളുടെ ഗുണഭോക്താക്കള്ക്ക് വർധിപ്പിച്ച തുകയായ 2000 രൂപ വീതമാണ് ലഭിക്കുക.
പെൻഷൻ വിതരണത്തിനായി 1045 കോടി രൂപ ധനകാര്യ വകുപ്പ് മന്ത്രി അനുവദിച്ചു. ഇത് സംസ്ഥാനത്തെ ദശലക്ഷക്കണക്കിന് ആളുകള്ക്ക് ആശ്വാസമാകും.
പെൻഷൻ വിതരണത്തിനായി 26.62 ലക്ഷം പേരുടെ ബാങ്ക് അക്കൗണ്ടുകളിലേക്ക് തുക നേരിട്ട് എത്തും.
ബാക്കിയുള്ള ഗുണഭോക്താക്കള്ക്ക് സഹകരണ ബാങ്കുകള് വഴി വീടുകളില് നേരിട്ട് പെൻഷൻ കൈമാറുന്നതിനുള്ള ക്രമീകരണങ്ങള് പൂർത്തിയായിട്ടുണ്ട്.