പത്തനംതിട്ട: പത്തനംതിട്ട നരിയാപുരത്ത് സ്കൂട്ടറില് പിക്കപ്പ് വാൻ ഇടിച്ചുണ്ടായ അപകടത്തില് ഒരാള്ക്ക് ദാരുണാന്ത്യം.
മാവേലിക്കര സ്വദേശി അഖില് കൃഷ്ണൻ ആണ് മരിച്ചത്. അഖിലിനൊപ്പം ബൈക്കില് സഞ്ചരിച്ചിരുന്ന ഭാര്യ ഐശ്വര്യയ്ക്കും കുഞ്ഞിനും അപകടത്തില് പരിക്കേറ്റു.
ഇതില് ഐശ്വര്യയുടെ നില ഗുരുതരമാണ്. ഇവരെ കോഴഞ്ചേരിയിലെ സ്വകാര്യ ആശുപത്രിയില് പ്രവേശിപ്പിച്ചു.
പിക്കപ്പ് വാനുമായി കൂട്ടിയിടിച്ച് സ്കൂട്ടറില് നിന്ന് തെറിച്ചുവീഴുകയായിരുന്നു ദമ്പതികളുടെ രണ്ടര വയസ്സുള്ള മകള്. എന്നാല് കുട്ടിയുടെ പരിക്ക് സാരമുള്ളതല്ലെന്നാണ് വിവരം. വള്ളിക്കോടുള്ള ഐശ്വര്യയുടെ വീട്ടില് പോയി മടങ്ങിവരും വഴിയായിരുന്നു അപകടം. അപകടത്തിൻ്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്.