പാലക്കാട്: കല്ലടിക്കോട് പനയമ്പാടത്തില് സിമന്റ് ലോറി ഇടിച്ചുകയറി മരിച്ച നാല് സ്കൂള് വിദ്യാർഥിനികള്ക്ക് കണ്ണീരോടെ വിട നല്കാനൊരുങ്ങി നാട്.
നാല് വിദ്യാർഥിനികളുടേയും കബറടക്കം ഇന്ന് നടക്കും. മോ൪ച്ചറിയില് സൂക്ഷിച്ച മൃതദേഹങ്ങള് ഇന്ന് രാവിലെ 5.30 ന് ബന്ധുക്കള്ക്ക് കൈമാറും.
രാവിലെ ആറോടെ മൃതദേഹങ്ങള് ആശുപത്രിയില്നിന്ന് വീടുകളില് എത്തിക്കും. രണ്ടു മണിക്കൂർനേരം ഇവിടെ പൊതുദർശനം ഉണ്ടാകും. രാവിലെ 8.30-ന് തുപ്പനാട് കരിമ്പനയ്ക്കല് ഹാളില് പൊതുദ൪ശനത്തിനെ വെക്കും. പിന്നീട് 10.30 ന് തുപ്പനാട് ജുമാമസ്ജില് ഖബറടക്കും.
കുട്ടികള് പഠിച്ചിരുന്ന കരിമ്പ ഹയര്സെക്കന്ഡറി സ്കൂളില് പൊതുദർശനം ഉണ്ടായിരിക്കില്ല. സ്കൂളിനു ഇന്ന് അവധി പ്രഖ്യാപിച്ചിട്ടുണ്ട്. സ്കൂളില് ഇന്ന് നടത്താനിരുന്ന എല്ലാ പരീക്ഷകളും മാറ്റിവച്ചു.
കഴിഞ്ഞ ദിവസം വൈകിട്ടാണ് ഒരു നാടിനെയാകെ കണ്ണീരിലാഴ്ത്തി നാല് വിദ്യാർഥിനികളുടെ ജീവനെടുത്ത അപകടം സഭവിച്ചത്. അത്തിക്കല് വീട്ടില് ഷറഫുദ്ദീന്-സജ്ന ദമ്പതികളുടെ മകള് അയിഷ, പിലാതൊടി വീട്ടില് അബ്ദുള് റഫീക്ക്,- സജീന ദമ്പതികളിടെ മകള് റിദ ഫാത്തിമ, അബ്ദുള് സലാം- ഫരിസ ദമ്പതികളുടെ മകള് ഇര്ഫാന ഷെറില് എന്നിവരാണ് മരിച്ചത്.