തിരുവനന്തപുരം: കാട്ടാക്കട കെഎസ്ആർടിസി ബസ് സ്റ്റാൻഡില് നിർത്തിയിട്ടിരുന്ന ബസില് യുവതിക്ക് നേരെ നഗ്നതാ പ്രദർശനം നടത്തിയ യുവാവ് അറസ്റ്റില്.
പന്നിയോട് സ്വദേശി സാജൻ (37) ആണ് പിടിയിലായത്. ചൊവ്വാഴ്ചയാണ് സംഭവം.
കൊട്ടൂരിലേക്ക് സർവീസ് നടത്തുന്ന കെഎസ്ആർടിസി ബസിലാണ് യുവാവ് അതിക്രമം നടത്തിയത്. ഇയാള് നഗ്നതാ പ്രദർശനം നടത്തുന്നത് യുവതി മൊബൈലില് ചിത്രീകരിക്കുകയായിരുന്നു.
വീഡിയോ പകർത്തുന്നത് ശ്രദ്ധയില്പ്പെട്ടതോടെ സാജൻ ബസില് നിന്ന് ഇറങ്ങി ഓടി രക്ഷപ്പെടുകയായിരുന്നു. യുവതി ഉടൻതന്നെ ബസ് കണ്ടക്ടറെ വിവരമറിയിക്കുകയും ചെയ്തു. സംഭവത്തെത്തുടർന്ന് പോലീസ് കേസെടുത്ത് നടത്തിയ അന്വേഷണത്തിനൊടുവിലാണ് സാജനെ അറസ്റ്റ് ചെയ്തത്.