കൊച്ചി: നടനും ഇടത് എംഎല്എയുമായ മുകേഷിനെതിരെയുള്ള പീഡന പരാതിയില് പ്രത്യേക അന്വേഷണ സംഘം കുറ്റപത്രം സമർപ്പിച്ചു.
ആലുവ സ്വദേശിയായ നടി ആരോപിച്ച കുറ്റം തെളിഞ്ഞതായി കുറ്റപത്രത്തില് പറയുന്നു. പരാതിയില് എംഎല്എക്കെതിരെ ഡിജിറ്റല് തെളിവുകളുണ്ട്.
എറണാകുളം ജുഡീഷ്യല് മജിസ്ട്രേറ്റ് കോടതിയിലാണ് കുറ്റപത്രം സമർപ്പിച്ചത്.
പരാതിക്കാരിയുമായി നടത്തിയ വാട്സാപ്പ് ചാറ്റുകളും, ഇ മെയില് സന്ദേശങ്ങളുമാണ് ഡിജിറ്റല് തെളിവായി സ്വീകരിച്ചിട്ടുള്ളത്.
സാഹചര്യ തെളിവുകളും സാക്ഷിമൊഴികളും ലഭിച്ചിട്ടുണ്ടെന്നും കുറ്റപത്രത്തില് പറയുന്നു. പീഡനത്തിന് പുറമേ ലൈംഗികാതിക്രമത്തിന്റെ വകുപ്പുകളും ചുമത്തിയിട്ടുണ്ട്.