കോട്ടയം: എളുപ്പത്തില് ഭക്ഷണങ്ങള് പാകം ചെയ്യാൻ സഹായിക്കുന്ന ഒന്നാണ് മൈക്രോവേവ്. കറകളും അഴുക്കും പറ്റിയിരുന്ന് പലപ്പോഴും ഇത് വൃത്തിയാക്കുന്നത് കുറച്ചധികം ബുദ്ധിമുട്ടുള്ള കാര്യമാണ്.
ചൂടടിച്ചാല് ഏത് കറയും എളുപ്പത്തില് അലിയും. മൈക്രോവേവ് എളുപ്പത്തില് വൃത്തിയാക്കാൻ ഇത്രയും മാത്രം ചെയ്താല് മതി.
നാരങ്ങ
ഒരു പാത്രത്തില് 4 കപ്പ് വെള്ളം എടുത്തതിന് ശേഷം അതിലേക്ക് നാരങ്ങ മുറിച്ചിടണം. ശേഷം ഇത് മൈക്രോവേവില് ചൂടാക്കാൻ വയ്ക്കണം. 5 മിനിട്ടോളം തിളപ്പിച്ചതിന് ശേഷം അങ്ങനെ തന്നെ വെച്ചിരിക്കണം. ഈ സമയത്ത് മൈക്രോവേവ് തുറക്കാൻ പാടില്ല. മൈക്രോവേവിനുള്ളില് ആവി തങ്ങി നില്ക്കുന്നതുകൊണ്ട് തന്നെ നനഞ്ഞ മൈക്രോഫൈബർ തുണി ഉപയോഗിച്ച് തുടച്ചെടുത്തല് അഴുക്കുകള് എളുപ്പത്തില് നീക്കം ചെയ്യാൻ സാധിക്കും.
നാരങ്ങ നീര്
നാരങ്ങ തോട് മാത്രമല്ല നാരങ്ങാ നീര് ഉപയോഗിച്ചും മൈക്രോവേവ് വൃത്തിയാക്കാൻ സാധിക്കും. 3 സ്പൂണ് നാരങ്ങ നീര് വെള്ളത്തില് ചേർത്തതിന് ശേഷം അത് ഉപയോഗിച്ച് മൈക്രോവേവ് തുടച്ചെടുത്താല് മതി.
വിനാഗിരി
മൈക്രോവേവില് കടുത്ത കറകളുണ്ടെങ്കില് വിനാഗിരി ഉപയോഗിച്ച് വൃത്തിയാക്കുന്നതാണ് നല്ലത്. മൈക്രോവേവിനുള്ളില് വിനാഗിരി സ്പ്രേ ചെയ്തതിന് ശേഷം 15 മിനിറ്റ് അങ്ങനെ തന്നെ വെച്ചിരിക്കണം. ശേഷം മൈക്രോഫൈബർ തുണി ഉപയോഗിച്ച് തുടച്ചെടുത്താല് മതി.
ഡിഷ് സോപ്പ്
ഡിഷ് സോപ്പും വെള്ളവും ചേർത്തതിന് ശേഷം ഇത് മൈക്രോവേവില് ചൂടാക്കാൻ വയ്ക്കണം. 2 മിനിറ്റ് ചൂടാക്കിയതിന് ശേഷം മൈക്രോവേവ് ഓഫ് ചെയ്യാം. ശേഷം പേപ്പർ ടവല് ഉപയോഗിച്ച് തുടച്ച് വൃത്തിയാക്കാവുന്നതാണ്. അതേസമയം സോപ്പ് വെള്ളം കൂടുതല് നേരം ചൂടാക്കാൻ പാടില്ല.
