തിരുവനന്തപുരം: സംസ്ഥാനത്ത് ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കാലാവസ്ഥാ വകുപ്പ്.
മഴ മുന്നറിയിപ്പിന്റെ പശ്ചാത്തലത്തില് ഇന്ന് മൂന്നു ജില്ലകളില് യെല്ലോ അലര്ട്ട്.
തിരുവനന്തപുരം, പത്തനംതിട്ട, എറണാകുളം ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചിട്ടുള്ളത്.
നാളെ ആറ് ജില്ലകളിലാണ് യെല്ലോ അലര്ട്ട്. എറണാകുളം, ഇടുക്കി, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് നാളെ യെല്ലോ ജാഗ്രത.
അറബിക്കടലില് പുതിയ ചക്രവാതചുഴി രൂപപ്പെട്ടതിന് പിന്നാലെയാണ് കേരളത്തില് വീണ്ടും മഴ ശക്തമാകുമെന്ന് കാലാവസ്ഥാ കേന്ദ്രം മുന്നറിയിപ്പ് നല്കിയത്. തെക്ക് കിഴക്കൻ അറബിക്കടലിലാണ് ചക്രവാതചുഴി നിലനില്ക്കുന്നത്.
കേരളത്തില് അടുത്ത 5 ദിവസം ഇടിമിന്നലോടു കൂടിയ മിതമായ / ഇടത്തരം മഴയ്ക്ക് സാധ്യത. ഡിസംബര് 8,9 തീയതികളില് ഒറ്റപ്പെട്ട ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയുക്കുന്നു.