കോട്ടയം: വൈകീട്ട് ചായക്ക് ഒരു മലബാർ സ്പെഷ്യല് സ്നാക്ക് ഉണ്ടാക്കിയാലോ? കിടിലൻ സ്വാദില് തയ്യാറാക്കാവുന്ന പൊരിച്ച പത്തിരിയുടെ റെസിപ്പി നോക്കാം
ആവശ്യമായ ചേരുവകള്
പത്തിരിപ്പൊടി -1 കപ്പ്
തിളയ്ക്കുന്ന വെള്ളം – 1 കപ്പ്
തേങ്ങ ചിരകിയത് – 2 ടേബിള്സ്പ്പൂണ്
ചെറിയ ജീരകം – ½ ടീസ്പുണ്
എള്ള് – 1 ടീസ്പുണ്
ഉള്ളി – 3 എണ്ണം
ഉപ്പ് ആവശ്യത്തിന്
നെയ്യ് – ½ ടീസ്പുണ്
വെളിച്ചെണ്ണ – വറുക്കാൻ ആവശ്യത്തിന്
തയ്യാറാക്കുന്ന വിധം
വലിയൊരു പാനില് വെള്ളം, ഉപ്പ്, നെയ്യ് എന്നിവ ചേർത്ത് നല്ലതുപോലെ വെട്ടിത്തിളയ്ക്കുമ്ബോള് പത്തിരിപ്പൊടി കുറേശ്ശെ ചേർത്ത് വാട്ടികുഴച്ചെടുക്കുക. വാട്ടിയ പൊടി 5 മിനിറ്റ് അടച്ചു വച്ചശേഷം, തേങ്ങ, ജീരകം, ഉള്ളി എന്നിവ ചതച്ചതും ചേർത്ത് ചുട് പോകും മുൻപ് നല്ലതുപോലെ കുഴച്ചെടുക്കുക. കുഴച്ച മാവ് ഒരു സെൻറീമീറ്റർ കനത്തില് പരത്തി എടുത്തശേഷം പത്തിരിയുടെ ആകൃതിയില് മുറിച്ചെടുക്കുക. തിളച്ച വെളിച്ചെണ്ണയില് പത്തിരി ഇട്ടു വറത്തുകോരുക.