ഡൽഹി : അഡ്വക്കേറ്റ് കമ്മീഷൻറെ പരിശോധനയ്ക്കാണ് സുപ്രീകോടതി സ്റ്റേ. മസ്ജിദ് കമ്മിറ്റിയുടെ ഹര്ജി പരിഗണിക്കവെയാണ് സുപ്രീംകോടതിയുടെ നടപടി. നേരത്തെ, മഥുര ഷാഹി ഈദ്ഗാഹ് പള്ളിയില് സര്വെ ആവശ്യപ്പെട്ടുള്ള പൊതുതാല്പര്യ ഹര്ജി സുപ്രീം കോടതി തള്ളിയിരുന്നു.ഷാഹി ഈദ്ഗാഹ് മസ്ജിദിനെ കൃഷ്ണ ജന്മഭൂമിയായി പ്രഖ്യാപിക്കണം, പള്ളിയില് ആര്ക്കിയോളോജിക്കല് സര്വേ ഓഫ് ഇന്ത്യയുടെ സര്വെ നടത്താൻ നിര്ദേശിക്കണമെന്നും മസ്ജിദ് പൊളിക്കണമെന്നും ഹര്ജിയില് ആവശ്യപ്പെട്ടിരുന്നു.
സുപ്രീം കോടതി അഭിഭാഷകനായ മഹേക് മഹേശ്വരിയാണ് ഹര്ജി നല്കിയിരുന്നത്.എന്നാല് ഇതേ വിഷയത്തില് മറ്റൊരു ഹര്ജി കോടതികളുടെ പരിഗണനയിലുണ്ടെന്നും അതിനാല് പൊതുതാല്പര്യ ഹര്ജിയായി ഈ വിഷയം കോടതിക്ക് പരിഗണിക്കാൻ കഴിയില്ലെന്നും വ്യക്തമാക്കിയാണ് സുപ്രീംകോടതി ഹര്ജി തള്ളിയത്. ഭാവിയില് ഇത്തരം ഹര്ജിയുമായി വരരുതെന്നും സുപ്രീം കോടതി താക്കീത് നല്കിയിരുന്നു.