കോട്ടയം: ലോക്സഭാ തെരഞ്ഞെടുപ്പില് കോട്ടയത്തെ ചിത്രം തെളിയുന്നു.
തുഷാര് വെള്ളാപ്പള്ളി മത്സരിക്കുമെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന് പറഞ്ഞു.
സ്ഥാനാര്ത്ഥിത്വം സംബന്ധിച്ച് തുഷാര് വെള്ളാപ്പള്ളി ഇതുവരെ ഔദ്യോഗിക പ്രഖ്യാപനങ്ങളൊന്നും നടത്തിയിട്ടില്ല. ഈ ഘട്ടത്തിലാണ് ബിഡിജെഎസ് സീറ്റില് തുഷാര് തന്നെ മത്സരിക്കുമെന്ന് ഏറെക്കുറെ ഉറപ്പാകുന്നത്.
കോട്ടയം ലോക്സഭാ മണ്ഡലത്തില് എല്ഡിഎഫിന്റെയും യുഡിഎഫിന്റെയും സ്ഥാനാര്ത്ഥികള് പ്രചാരണത്തിനിറങ്ങിയെങ്കിലും ബിജെപി സ്ഥാനാര്ത്ഥിയുടെ കാര്യത്തില് ഇതുവരെ അന്തിമ തീരുമാനമുണ്ടായിട്ടില്ല. ദിവസങ്ങള്ക്ക് മുന്പ് ചാലക്കുടി, മാവേലിക്കര ലോക്സഭാ മണ്ഡലങ്ങൡ ബിഡിജെഎസ് സ്ഥാനാര്ത്ഥികളെ പ്രഖ്യാപിച്ചെങ്കിലും കോട്ടയത്തെയും ഇടുക്കിയിലെയും സ്ഥാനാര്ത്ഥികളെ പ്രഖ്യാപിച്ചിരുന്നില്ല.
ഇടുക്കിയിലെ സ്ഥാനാര്ത്ഥിയുടെ കാര്യത്തിലെ അവ്യക്തത തന്നെയാണ് കോട്ടയത്തെയും നീളാന് കാരണം. കഴിഞ്ഞ ലോക്സഭാ തിരഞ്ഞെടുപ്പില് പാര്ട്ടി മത്സരിച്ച ആലത്തൂര്, വയനാട് മണ്ഡലങ്ങള് ബി.ജെ.പിക്ക് വിട്ടുകൊടുത്തു. പകരം കോട്ടയവും ചാലക്കുടിയും ബിഡിജെഎസിന് ലഭിച്ചു.