തിരുവനന്തപുരം: സംസ്ഥാനത്ത് വാഹന ലൈസൻസും ആർസി ബുക്കും പ്രിന്റ് ചെയ്ത് നല്കുന്നത് നിർത്തലാക്കാനുള്ള നീക്കവുമായി എംവിഡി.
ഇവ രണ്ടും പരിവാഹൻ സൈറ്റ് വഴി ഡിജിറ്റലാക്കാനാണ് തീരുമാനം. ആദ്യ ഘട്ടത്തില് ഡ്രൈവിംഗ് ലൈസൻസിന്റെയും രണ്ടാം ഘട്ടത്തില് ആർസി ബുക്കിന്റെയും പ്രിന്റിംഗ് നിർത്തലാക്കും.
ആധുനിക സാങ്കേതിക വിദ്യകള് ഉപയോഗിക്കുന്ന കാലത്ത് പ്രിന്റിംഗ് രേഖകളുടെ ആവശ്യമില്ലെന്ന് ചൂണ്ടിക്കാട്ടിയാണ് പുതിയ നടപടിയെന്ന് ഗതാഗത കമ്മിഷണർ വ്യക്തമാക്കി. നിലവില് ഡ്രൈവിംഗ് ടെസ്റ്റ് പാസായാല് രണ്ടുമാസം കഴിഞ്ഞാണ് ലൈസൻസ് തപാല് മാർഗം ലഭ്യമാവുക.
മൂന്നുമാസത്തോളം കഴിഞ്ഞാണ് ആർസി ബുക്ക് ലഭിക്കുന്നത്. ഡിജിറ്റലാക്കുന്നതോടെ ടെസ്റ്റ് പാസായി മിനിട്ടുകള്ക്കകം തന്നെ ലൈസൻസ് ഡൗണ്ലോഡ് ചെയ്ത് സൂക്ഷിക്കാനാവും.