ആലപ്പുഴ : ഷാൻ കൊലക്കേസിൽ കുറ്റപത്രം മടക്കമെന്ന് പ്രതികള്, ഹൈക്കോടതിയിൽ കേസ് ഇന്ന് പരിഗണിക്കും. ബിജെപി-ആർഎസ്എസ് പ്രവർത്തകരായ 11 പേരാണ് കേസിലെ പ്രതികള്. കൈംബ്രാഞ്ച് ഡിവൈഎസ്പിയായിരുന്ന കെവി ബെന്നിയാണ് കുറ്റപത്രം സമർപ്പിച്ചത്. എന്നാല് സ്റ്റേഷൻ ഹൗസ് ഓഫീസറാണ് കുറ്റപത്രം സമർപ്പിക്കേണ്ടതെന്നും അതിനാല് കുറ്റപത്രം മടക്കണം എന്നും വാദം ഉന്നയിച്ച് പ്രതികള് ഹൈക്കോടതിയെ സമീപിച്ചിട്ടുണ്ട്.
സര്ക്കാർ ചുമതലപ്പെടുത്തിയ ഉദ്യോഗസ്ഥന് തന്നെയാണ് കുറ്റപത്രം നല്കിയതെന്നും അതിനാല് ഹർജി നിലനില്ക്കില്ലെന്നും പ്രോസിക്യൂഷന് വാദിച്ചു. ഈ ഹര്ജിയില് ഇന്ന് ഉത്തരവ് വരും. 2021 ഡിസംബർ 18 ന് രാത്രിയാണ് ഷാൻ കൊല്ലപ്പെട്ടത്. കൊല നടന്ന് മണിക്കൂറുകള്ക്ക് ശേഷമാണ് ബിജെപി ഓബിസി മോർച്ചാ നേതാവ് അഡ്വ രഞ്ജിത് ശ്രീനിവാസനെ വധിച്ചത്. ഈ കേസില് 15 പ്രതികള്ക്കും കോടതി വധശിക്ഷ വിധിച്ചിരുന്നു.