കോട്ടയം : തലയോലപ്പറമ്പിൽ കാറും ലോറിയും കൂട്ടിയിടിച്ചുണ്ടായ അപകടത്തില് രണ്ട് യുവാക്കൾക്ക് ദാരുണാന്ത്യം.
രാത്രി 12 മണിയോടെ തലപ്പാറ കൊങ്ങിണിമുക്കിലാണ് അപകടം. കരിപ്പാടം ദാരു സദയില് മുര്ത്താസ് അലി റഷീദ് (27), വൈക്കം സ്വദേശി റിദ്ദിക്ക് (29) എന്നിവരാണ് മരിച്ചത്. സാരമായി പരിക്കേറ്റ ഇവരുടെ സുഹൃത്തിനെ പൊതിയിലെ സ്വകാര്യ ആശുപത്രിയില് പ്രവേശിപ്പിച്ചു.
അപകടത്തെ തുടര്ന്ന് തലപ്പാറ-എറണാകുളം റോഡില് ഏറെ നേരം ഗതാഗതം തടസ്സപ്പെട്ടു. തലയോലപ്പറമ്പ് പൊലീസ് സ്ഥലത്തെത്തി മേല്നടപടികൾ സ്വീകരിച്ചു.