കോട്ടയം: പോളിയോ വൈറസ് നിർമാർജനം ലക്ഷ്യമിട്ടു നടത്തുന്ന പൾസ് പോളിയോ ഇമ്മ്യൂണൈസേഷൻ പരിപാടിയുടെ ഭാഗമായി ജില്ലയിലെ അഞ്ചു വയസില് താഴെയുള്ള കുട്ടികള്ക്ക് പോളിയോ പ്രതിരോധ തുള്ളിമരുന്ന് നല്കി.
കോട്ടയം ജില്ലയില് 85157 കുട്ടികള്ക്ക് പോളിയെ പ്രതിരോധ തുള്ളിമരുന്ന് നല്കിയതായി ജില്ലാ മെഡിക്കല് ഓഫീസര് അറിയിച്ചു. ജില്ലയിലെ അഞ്ചു വയസിനു താഴെയുള്ള ആകെ കുട്ടികളുടെ 91.25 ശതമാനമാണിത്.
ബൂത്തുകളിൽ തുള്ളി മരുന്ന് നൽകാൻ കഴിയാത്ത കുഞ്ഞുങ്ങൾക്ക് ഒക്ടോബർ 13, 14 തീയതികളിൽ വോളണ്ടിയർമാർ വീടുകളിലെത്തി തുള്ളി മരുന്ന് നൽകും.
അതിഥി തൊഴിലാളികളുടെ ക്യാമ്പുകൾ, വിനോദ സഞ്ചാരകേന്ദ്രങ്ങൾ എന്നിവിടങ്ങളിലെ മൊബൈൽ ബൂത്തുകളും 13,14 തീയതികളില് പ്രവർത്തിക്കും.