കോട്ടയം : പൂര്ണ സംസ്ഥാന ബഹുമതികളോടെ കാനത്തെ വീട്ടുവളപ്പില് സംസ്കാരം പൂര്ത്തിയായി. സിപിഐ ജനറല് സെക്രട്ടറി ഡി രാജ,മുഖ്യമന്ത്രി പിണറായി വിജയൻ, സിപിഐ, സിപിഐഎം പാര്ട്ടികളിലെ മുതിര്ന്ന നേതാക്കള് അടക്കം കാനത്തെ വീട്ടിലേക്ക് എത്തി അന്തിമോപചാരം അര്പ്പിച്ചു.
സംസ്ഥാനത്തിന്റെ വിവിധ ഭാഗങ്ങളില് നിന്നായി നിരവധിയാളുകളാണ് പ്രിയപ്പെട്ട നേതാവിന് അന്ത്യഞ്ജലിയേകാൻ ഒഴുകിയെത്തുന്നത്. കോട്ടയം കാനത്തെ വീട്ടുവളപ്പില് രാവിലെ 11 മണിക്കാണ് സംസ്കാര ചടങ്ങുകള്. ഇന്നലെ തിരുവനന്തപുരത്തു നിന്നും ആരംഭിച്ച വിലാപയാത്ര 13 മണിക്കൂര് പിന്നിട്ട് പുലര്ച്ചെ മൂന്നരയോടെയാണ് കോട്ടയം കാനത്തെ വീട്ടിലെത്തിയത്.കോട്ടയം സി.പി.ഐ ജില്ലാ കൗണ്സില് ഓഫീസില് നടന്ന പൊതുദര്ശനത്തില് പാര്ട്ടി പ്രവര്ത്തകരും നേതാക്കളും അന്ത്യാഭിവാദ്യമേകി.