തിരുവനന്തപുരം: ബംഗാള് ഉള്ക്കടലില് പുതിയ ന്യൂനമർദ്ദം രൂപപ്പെട്ട സാഹചര്യത്തില് കേരളത്തില് മഴ തുടരുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം.
ബംഗാള് ഉള്ക്കടലില് പുതിയ ന്യൂനമർദ്ദം രൂപപ്പെട്ടതും തെക്കു കിഴക്കൻ അറബിക്കടലിനു മുകളില് ചക്രവാതച്ചുഴി സ്ഥിതി ചെയ്യുന്നതുമാണ് കേരളത്തില് മഴയ്ക്ക് കാരണമാകുന്നത്. സംസ്ഥാനത്ത് അടുത്ത അഞ്ച് ദിവസം മഴ പെയ്യുമെന്നാണ് മുന്നറിയിപ്പ്.
ഒറ്റപ്പെട്ട ഇടിമിന്നലോട് കൂടിയ നേരിയ / ഇടത്തരം മഴയ്ക്ക് സാധ്യതയുണ്ടെന്നാണ് കാലാവസ്ഥാ വകുപ്പ് വ്യക്തമാക്കുന്നത്.
തെക്കൻ ബംഗാള് ഉള്ക്കടലിന്റെ മധ്യഭാഗത്തായാണ് പുതിയ ന്യൂനമർദ്ദം രൂപപ്പെട്ടിരിക്കുന്നത്.
അടുത്ത രണ്ടു ദിവസത്തിനുള്ളില് ഇത് കൂടുതല് ശക്തി പ്രാപിച്ച് തമിഴ്നാട് തീരത്തേക്ക് നീങ്ങാൻ സാധ്യതയുണ്ടെന്നും കാലാവസ്ഥാ വകുപ്പ് വ്യക്തമാക്കുന്നു.