കൊച്ചി: ഗുരുതരാവസ്ഥയിലായ ഭര്ത്താവിന്റെ ബീജം എടുത്ത് സൂക്ഷിക്കാന് ഭാര്യയ്ക്ക് അനുമതി നല്കി ഹൈക്കോടതി. ഭര്ത്താവിന്റെ സമ്മതമില്ലാതെ എ.ആര്.ടി.ആക്ട് പ്രകാരം നല്കിയ ഹര്ജിയില് ജസ്റ്റിസ് വി.ജി. അരുണ് ആണ് ഭാര്യയുടെ ആവശ്യം അംഗീകരിച്ചുകൊണ്ട് ഇടക്കാല ഉത്തരവ് പുറപ്പെടുവിച്ചിരിക്കുന്നത്. ഭര്ത്താവിന്റെ ആരോഗ്യനില ഗുരുതരമാണെന്നും ഭര്ത്താവിന്റെ രേഖാമൂലമുള്ള സമ്മതം ലഭിക്കുക അസാധ്യമാണെന്നും ഹര്ജിയില് ചൂണ്ടിക്കാട്ടിയിരുന്നു.
മേല്പ്പറഞ്ഞ ഘടകങ്ങളെല്ലാം ചൂണ്ടിക്കാട്ടിയാണ് ഇടക്കാല ഉത്തരവ് പുറപ്പെടുവിക്കുന്നതെന്ന് കോടതി വ്യക്തമാക്കി. കുട്ടികളില്ലാത്ത ദമ്പതികളാണിവര്. ഒരു കുഞ്ഞിനെ ഗര്ഭം ധരിക്കുന്നതിനായാണ് അസിസ്റ്റഡ് റീപ്രൊഡക്ടീവ് ടെക്നോളജി (എആര്ടി) റെഗുലേഷന് ആക്ട് പ്രകാരം കോടതി ഉത്തരവിട്ടത്.
സെപ്റ്റംബര് ഒമ്പതിന് ഇത് സംബന്ധിച്ച ഹര്ജി വീണ്ടും പരിഗണിക്കുമെന്നും കോടതി അറിയിച്ചു. എആര്ടി റെഗുലേഷന് ആക്ടിന്റെ അനുമതിയില്ലാതെ ബീജം എടുക്കുകയും സൂക്ഷിക്കുകയും അല്ലാതെ ഒരുനടപടിയും സ്വീകരിക്കാന് പാടില്ലെന്നും കോടതി വ്യക്തമാക്കി.