കൊച്ചി: കരുവന്നൂര് ബാങ്ക് കള്ളപ്പണക്കേസില് സിപിഎം തൃശ്ശൂർ ജില്ലാ സെക്രട്ടറിയ്ക്ക് ഇഡിയുടെ നോട്ടിസ്.
തൃശ്ശൂർ ജില്ലാ സെക്രട്ടറി എം എം വർഗീസിനാണ് ഇഡി നോട്ടീസ് നല്കിയത്. ബുധനാഴ്ച ഹാജറാകണമെന്നാണ് നോട്ടീസിലെ നിര്ദ്ദേശം.
എന്നാല് സമൻസ് കിട്ടിയിട്ടില്ലെന്നാണ് എം എം വർഗീസ് പ്രതികരിച്ചത്. ഹാജരാകുന്നതില് തീരുമാനം എടുക്കുന്നത് പാർട്ടിയുമായി ആലോചിച്ച ശേഷമാത്രമെന്നും എം എം വർഗീസ് അറിയിച്ചു.
അതേസമയം, കേസില് സിപിഎമ്മിന് കുരുക്ക് മുറുക്കുകയാണ് ഇഡി. സിപിഎമ്മിന്റെ രഹസ്യ അക്കൗണ്ടുകള് സംബന്ധിച്ച വിവരങ്ങള് തെരഞ്ഞെടുപ്പ് കമ്മീഷനും, ധനമന്ത്രാലയത്തിനും, റിസര്വ് ബാങ്കിനും ഇഡി കൈമാറി. കരുവന്നൂരില് ശക്തമായ നടപടി ഉണ്ടാകുമെന്ന് പ്രധാനമന്ത്രി നേരിട്ട് ഉറപ്പ് നല്കിയതിന് പിന്നാലെയാണ് ഇഡിയുടെ നിര്ണ്ണായക നീക്കങ്ങള് സംബന്ധിച്ച വിവരങ്ങള് പുറത്ത് വരുന്നത്.
അഞ്ച് രഹസ്യ അക്കൗണ്ടുകള് പാര്ട്ടിക്ക് കരുവന്നൂര് ബാങ്കിലുണ്ട്. അക്കൗണ്ടുകള് തുടങ്ങണമെങ്കില് ബാങ്കില് അംഗത്വം എടുക്കണമെന്നാണ് ബാങ്ക് ബൈലോയും സഹകരണ നിയമവും പറയുന്നത്. എന്നാല് അക്കാര്യം പാലിച്ചിട്ടില്ല.