തിരുവനന്തപുരം: ക്ലീനിങ് സ്റ്റാഫ് മുതല് സീനിയര് റസിഡന്റ് വരെ. ഇപ്പോള് വന്നിട്ടുള്ള താല്ക്കാലിക സര്ക്കാര് ജോലികള് ഇതാ
ക്ലീനിംഗ് സ്റ്റാഫ്
കേരള മഹിള സമഖ്യ സൊസൈറ്റിയുടെ ചുമതലയില് വനിത ശിശുവികസന വകുപ്പിന്റെ സഹായത്തോടെ കണ്ണൂർ ജില്ലയില് പ്രവർത്തിക്കുന്ന എൻട്രി ഹോം ഫോർ ഗേള്സില് ക്ലീനിംഗ് സ്റ്റാഫ് തസ്തികയിലേയ്ക്ക് അഭിമുഖം നടത്തും.
അഞ്ചാം ക്ലാസ് പാസ്സായ 20 വയസ് പൂർത്തിയാക്കിയ വനിതാ ഉദ്യോഗാർഥികള്ക്ക് അപേക്ഷിക്കാം. 30-45 പ്രായപരിധിയിലുള്ളവർക്ക് മുൻഗണന. വെള്ള പേപ്പറില് തയ്യാറാക്കിയ അപേക്ഷയോടൊപ്പം വിദ്യാഭ്യാസ യോഗ്യത, പ്രായം, പ്രവർത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പ് സഹിതം ജൂലൈ 28 രാവിലെ 11 മണിക്ക് കണ്ണൂർ, മട്ടന്നൂർ മുനിസിപ്പാലിറ്റി സി.ഡി.എസ് ഹാളില് നടക്കുന്ന ഇന്റർവ്യൂവിന് ഹാജരാകണം. കൂടുതല് വിവരങ്ങള്ക്ക്: സ്റ്റേറ്റ് പ്രോജക്ട് ഡയറക്ടർ, കേരള മഹിള സമഖ്യ സൊസൈറ്റി, റ്റി.സി. 20/1652, കല്പന, കുഞ്ചാലുംമൂട്, കരമന പി.ഒ, തിരുവനന്തപുരം, ഫോണ്: 0471-2348666, ഇമെയില്: keralasamakhya@gmail.com, വെബ്സെറ്റ്: www.keralasamakhya.org.
വനിതാ മെസഞ്ചർ
കേരള സർക്കാർ, വനിതാ ശിശുവികസന വകുപ്പിനു കീഴില് പ്രവർത്തിക്കുന്ന ജില്ലാ വനിതാ പ്രൊട്ടക്ഷൻ ഓഫീസർമാരെ സഹായിക്കുന്നതിനായുള്ള മെസഞ്ചർ തസ്തികയില് മലപ്പുറം ജില്ലയിലെ താത്കാലിക ഒഴിവിലേക്ക് വനിതാ ഉദ്യോഗാർഥികള്ക്കായി ജൂലൈ 18ന് അഭിമുഖം നടക്കും. പത്താംക്ലാസ് വിജയമാണ് യോഗ്യത. താത്പര്യമുള്ളവർ വെള്ള പേപ്പറില് തയാറാക്കിയ അപേക്ഷ, സർട്ടിഫിക്കറ്റുകളുടെ പകർപ്പ്, അസല് സർട്ടിഫിക്കറ്റുകള് എന്നിവ സഹിതം രാവിലെ 10.30ന് മലപ്പുറം ജില്ലാ വനിതാ ശിശു വികസന ഓഫീസില് ഹാജരാകണം. കൂടുതല് വിവരങ്ങള്ക്ക്: സ്റ്റേറ്റ് പ്രോജക്ട് ഡയറക്ടർ, കേരള മഹിള സമഖ്യ സൊസൈറ്റി, ടി.സി. 20/1652, കല്പന, കുഞ്ചാലുംമൂട്, കരമന പി. ഒ, തിരുവനന്തപുരം. ഫോണ്: 0471- 2348666, ഇ-മെയില്: keralasamakhya@gmail.com, വെബ്സൈറ്റ്: www.keralasamakhya.org.
STDD
പട്ടികവർഗ വികസനവകുപ്പിനു കീഴില് (STDD) പ്രോഗ്രാം കോ-ഓർഡിനേറ്റർ, ഐടി എക്സ്പേർട്ട്, അസിസ്റ്റന്റ്, കോ-ഓർഡിനേറ്റർ നിയമനത്തിന് അപേക്ഷ ക്ഷണിച്ചു. തെരഞ്ഞെടുക്കപ്പെടുന്ന ഉദ്യോഗാർഥികളെ സംസ്ഥാന, ജില്ലാതലങ്ങളില് പട്ടികവർഗ വികസന വകുപ്പിനു കീഴിലുള്ള വനാവകാശ നിയമ (FRA) യൂണിറ്റ് സെല്ലിന്റെ പ്രവർത്തനങ്ങള്ക്ക് പിന്തുണ നല്കുന്നതിനായി വിന്യസിക്കും. താത്പര്യമുള്ളവർ സി.വി. സഹിതം ജൂലൈ 31 വൈകിട്ട് 5നകം ഇ-മെയില് (trdm.rec@gmail.com) മുഖേന അപേക്ഷിക്കണം. വിശദവിവരങ്ങള്ക്ക്: www.stdd.kerala.gov.in, 0471-2303229, 1800-425-2312.
സീനിയർ റസിഡന്റ്
വയനാട് സർക്കാർ മെഡിക്കല് കോളേജില് വിവിധ വിഭാഗങ്ങളിലായി (ജനറല് മെഡിസിൻ, അനസ്തേഷ്യോളജി), സീനിയർ റസിഡന്റ് തസ്തികകളില് നിലവിലുള്ള ഒഴിവുകളിലേക്ക് കരാർ നിയമനത്തിന് ജൂലൈ 21ന് അഭിമുഖം നടക്കും. എം.ബി.ബി.എസ് ബിരുദവും MD,TCMC, യും കേരള സ്റ്റേറ്റ് മെഡിക്കല് കൗണ്സില് രജിസ്ട്രേഷനുമുള്ള ഡോക്ടർമാർക്ക് അഭിമുഖത്തില് പങ്കെടുക്കാം. താല്പര്യമുള്ള ഉദ്യോഗാർത്ഥികള് യോഗ്യത തെളിയിക്കുന്ന അസല് അനുബന്ധ രേഖകള് സഹിതം രാവിലെ 11 മണിക്ക് വയനാട് സർക്കാർ മെഡിക്കല് കോളേജ് പ്രിൻസിപ്പലിന്റെ ഓഫീസില് നടക്കുന്ന അഭിമുഖത്തില് പങ്കെടുക്കണം.