ചെന്നൈ: വിജയ് നായകനായ ജനനായകൻ സിനിമ ചോര്ന്ന സംഭവത്തില് മുഖ്യപ്രതിയടക്കം മൂന്നുപേര് പിടിയില്.
ഫ്രീലാന്സ് എഡിറ്ററായ യുവാവ് ആണ് കേസിലെ മുഖ്യപ്രതി.
ചെന്നൈ പൊലീസ് സൈബര് ക്രൈം വിഭാഗമാണ് പ്രതികളെ അറസ്റ്റ് ചെയ്തത്. മറ്റൊരു ചിത്രത്തിന്റെ ജോലികളുമായി ബന്ധപ്പെട്ട് ഫ്രീലാന്സ് എഡിറ്ററായ യുവാവ് സ്റ്റുഡിയോയില് ഉണ്ടായിരുന്നു.
ഇവിടെ വെച്ച് അനധികൃതമായി ജനനായകൻ റീല് സ്വന്തമാക്കി പകര്പ്പ് നിര്മിച്ചുവെന്നാണ് പൊലീസ് കണ്ടെത്തിയത്.
ദൃശ്യങ്ങള് പ്രചരിപ്പിച്ച ആറുപേരെ നേരത്തെ പിടികൂടിയിരുന്നു. ഇതോടെ കേസില് ഒന്പത് പേരാണ് ഇതുവരെ അറസ്റ്റിലായത്.