കോട്ടയം: ചതുരക്കഷണങ്ങളാക്കിയ കാച്ചില്, ചേമ്ബ്, ചേന, കൂര്ക്ക: ഓരോ കപ്പ് വീതം
ചതുരക്കഷണങ്ങളാക്കിയ മധുരക്കിഴങ്ങ്, നനക്കിഴങ്ങ്: അരക്കപ്പ് വീതം
പച്ചമത്തന്: അരമുറി
വന്പയര്: മുക്കാല് കപ്പ്
മഞ്ഞള്പ്പൊടി: അര ടീസ്പൂണ്
ഉപ്പ്: പാകത്തിന്
മുളകുപൊടി: അര ടീസ്പൂണ്
കറിവേപ്പില: മൂന്ന് തണ്ട്
തേങ്ങ ചിരകിയത്: ഒരു തേങ്ങ
വെളുത്തുള്ളി: രണ്ട് അല്ലി
ജീരകം: കാല് ടീസ്പൂണ്
വെളിച്ചെണ്ണ: ഒരു ടേബിള് സ്പൂണ്
തയ്യാറാക്കുന്ന വിധം
തലേദിവസം വെള്ളത്തില് കുതിര്ത്ത വന്പയറിലെ വെള്ളം മുഴുവന് കളഞ്ഞ് വേവിക്കുക. മീഡിയം സൈസില് ചതുരക്കഷണങ്ങളാക്കിയ പച്ചക്കറികള് എല്ലാം മഞ്ഞള്പ്പൊടി, ഉപ്പ്, മുളകുപൊടി, വേവാന് ആവശ്യമായ വെള്ളം എന്നിവ ചേര്ത്ത് വേവിക്കുക. ഇനി വേവിച്ച വന്പയര് ചേര്ക്കാം. തേങ്ങ, വെളുത്തുള്ളി, ജീരകം എന്നിവ രണ്ട് ടേബിള് സ്പൂണ് വെള്ളംകൂട്ടി അരച്ച് ചേര്ക്കുക. തീ കുറച്ചുവെച്ച് നന്നായി ഇളക്കുക. തീ ഓഫ് ചെയ്ത് കറിവേപ്പില വിതറി മുകളില് വെളിച്ചെണ്ണ തൂവുക.