മുഖത്ത് പ്രായക്കൂടുതല് തോന്നിതാരിക്കാനും ചര്മ്മം സംരക്ഷിക്കാനും ഭക്ഷണത്തിന്റെ കാര്യത്തില് ഏറെ ശ്രദ്ധ വേണം. ചര്മ്മത്തിന്റെ ആരോഗ്യത്തിനായി പഞ്ചസാര അടങ്ങിയ ഭക്ഷണങ്ങള് പരമാവധി ഡയറ്റില് നിന്നും ഒഴിവാക്കുക. പഞ്ചസാരയുടെ അമിത ഉപയോഗം ചര്മ്മത്തില് ചുളിവുകള് ഉണ്ടാകാനും പ്രായക്കൂടുതല് തോന്നാനും കാരണമാകും. അതുപോലെ തന്നെ അമിതമായ ഉപ്പിന്റെ ഉപയോഗവും മുഖത്ത് പ്രായക്കൂടുതല് തോന്നാന് കാരണമാകും.
അമിതമായി കൊഴുപ്പ് അടങ്ങിയ ഭക്ഷണങ്ങള് കഴിക്കുന്നതും ചര്മ്മത്തെ മോശമാക്കുകയും മുഖത്ത് പ്രായം തോന്നിക്കാന് കാരണമാവുകയും ചെയ്യും. അതുപോലെ തന്നെ സോസേജ്, ഹോട്ട് ഡോഗ്സ് പോലെയുള്ള പ്രോസസിഡ് ഭക്ഷണങ്ങള് അഥവാ സംസ്കരിച്ച ഭക്ഷണങ്ങളും അമിതമായി കഴിക്കുന്നത് ചര്മ്മത്തിന്റെ ആരോഗ്യത്തിന് നല്ലതല്ല.
ഇവ കൊളാജന് ഉല്പാദത്തെ കുറയ്ക്കുകയും മുഖത്ത് ചുളിവുകള് വരുത്തുകയും ചെയ്യും. റെഡ് മീറ്റിന്റെ അമിത ഉപയോഗവും ചര്മ്മത്തിന് നന്നല്ല.
എണ്ണയില് പൊരിച്ച ഭക്ഷണങ്ങളില് അനാരോഗ്യകരമായ കൊഴുപ്പുകള് അടങ്ങിയിട്ടുണ്ട്. ഇവയും ചര്മ്മത്ത് ചുളിവുകള് വരുത്താന് കാരണമാകും.
അതിനാല് എണ്ണയില് പൊരിച്ചതും വറുത്തതുമായ ഭക്ഷണങ്ങളും ഡയറ്റില് നിന്നും ഒഴിവാക്കുന്നതാണ് ചര്മ്മത്തിന്റെ ആരോഗ്യത്തിന് നല്ലത്.
എരുവുള്ള ഭക്ഷണങ്ങളുടെ അമിത ഉപയോഗവും ചര്മ്മത്തിന് നന്നല്ല. വളരെയധികം കലോറി അടങ്ങിയ ജങ്ക് ഫുഡ് കഴിക്കുന്നതും ചര്മ്മത്തിന്റെ ആരോഗ്യം മോശമാക്കും.
അമിത മദ്യപാനവും ചര്മ്മത്തില് ചുളിവുകള് വീഴാനും മുഖത്ത് പ്രായക്കൂടുതല് തോന്നിക്കാനും കാരണമാകും. അതിനാല് മദ്യപാനം പരമാവധി ഒഴിവാക്കുക.