ക്യാന്സര് ഈ കാലഘട്ടത്തിലെ ഒരു വില്ലന് തന്നെയാണ്. വേണ്ട രീതിയില് ചികിത്സ തേടിയില്ലെങ്കില് ജീവന് തന്നെ അപകടത്തിലാക്കാവുന്ന ഒന്നാണിത്.
അത്തരത്തില് സ്ത്രീകള്ക്കിടയില് കണ്ടുവരുന്ന ക്യാന്സറുകളിലൊന്നാണ് വജൈനല് ക്യാന്സര്. വജൈനയുടെ പുറം ഭാഗത്തുള്ള കോശങ്ങളിലാണ് പലപ്പോഴും ഇത് കാണപ്പെടുന്നത്. അപൂര്വവും പലപ്പോഴും അവഗണിക്കപ്പെടുന്നതുമായ ക്യാൻസറാണ് യോനിയിലെ അര്ബുദം.
ഡിഎൻഎ മ്യൂട്ടേഷന്, ഹ്യൂമൻ പാപ്പിലോമ വൈറസ് അണുബാധ, സുരക്ഷിതമല്ലാത്ത ലൈംഗിക ബന്ധം, പുകവലി, പുകയില ഉല്പ്പന്നങ്ങളുടെ ഉപയോഗം, പാരമ്ബര്യം, തുടങ്ങിയ നിരവധി അപകട ഘടകങ്ങള് യോനിയില് ക്യാൻസര് വരാനുള്ള സാധ്യത വര്ദ്ധിപ്പിക്കുന്നു എന്നും ആരോഗ്യ വിദഗ്ധര് പറയുന്നു.
യോനിയിലെ ക്യാന്സറിന്റെ പ്രധാനപ്പെട്ട ചില ലക്ഷണങ്ങളെ പരിചയപ്പെടാം… യോനിയില് നിന്ന് വരുന്ന ക്രമം തെറ്റിയതും അസ്വാഭാവികവുമായ രക്തസ്രാവം ചിലപ്പോള് വജൈനല് ക്യാന്സറിന്റെ ലക്ഷണമാകാം. യോനിയില് നിന്നും അസാധാരണമായ ഡിസ്ചാര്ജ്, യോനിയില് മുഴ തുടങ്ങിയവയും ചിലപ്പോള് സൂചനയാകാം. മൂത്രമൊഴിക്കുമ്പോൾ വേദന, മലബന്ധം, നിരന്തരമായ പെല്വിക് ഭാഗത്തെ അസ്വസ്ഥതയും വേദനയും തുടങ്ങിയവയും യോനിയിലെ ക്യാൻസറിനെ സൂചനയാകാം.
ലൈംഗിക ബന്ധത്തില് ഏര്പ്പെടുന്ന സമയത്തെല്ലാം വേദന തോന്നുന്നുണ്ടെങ്കില് അതും നിസാരമായി കാണേണ്ട. യോനിയുടെ നിറം പെട്ടെന്ന് മാറുന്നതും ശ്രദ്ധിക്കേണ്ട ലക്ഷണമാണ്. നിറം മാറ്റത്തിനൊപ്പം യോനിയില് നിന്ന് ദുര്ഗന്ധവും യോനിക്ക് ചൊറിച്ചിലും തിണര്പ്പും അനുഭവപ്പെടുന്നുണ്ടെങ്കില് അത് ഗൗരവമായി കാണണം. കാലുകളില് വേദന, കാലുകളില് വീക്കം ഇവയെല്ലാം വജൈനല് ക്യാൻസറിന്റെ മറ്റ് ചില ലക്ഷണങ്ങളാണ്.
ശ്രദ്ധിക്കുക: മേല്പ്പറഞ്ഞ ലക്ഷണങ്ങള് കാണുന്നപക്ഷം സ്വയം രോഗ നിര്ണയത്തിന് ശ്രമിക്കാതെ നിര്ബന്ധമായും ഡോക്ടറെ ‘കണ്സള്ട്ട്’ ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.