തിരുവനന്തപുരം: കോണ്ഗ്രസിനെതിരായ പരാമര്ശത്തില് ദേശാഭിമാനിക്കെതിരെ പരാതിയുമായി കെപിസിസി.
തെരഞ്ഞെടുപ്പ് കമ്മീഷന് കോണ്ഗ്രസ് പരാതി നല്കി.
ഏപ്രില് 18ലെ ദേശാഭിമാനി പത്രത്തിലാണ് ‘പോണ്ഗ്രസ്’ എന്ന പരാമര്ശം നടത്തിയത്.
കോണ്ഗ്രസിനെതിരായ പരാമര്ശം പാര്ട്ടി സെക്രട്ടറിയുടെ അറിവോടെയാണെന്നും പരാതി നല്കിയെന്നും കെപിസിസി ആക്ടിംഗ് പ്രസിഡന്റ് എംഎം ഹസൻ പറഞ്ഞു.
ഇന്ത്യയ്ക്ക് സ്വാതന്ത്ര്യം നേടിത്തരുകയും ഗാന്ധിജിയെ ആത്മാവിലേക്ക് ആവാഹിക്കുകയും ചെയ്ത കോണ്ഗ്രസിനെ ‘പോണ്ഗ്രസ്’ (അശ്ലീലകോണ്ഗ്രസ്) എന്ന് ഏപ്രില് 18ലെ ദേശാഭിമാനി പത്രത്തില് വിശേഷിപ്പിച്ചതില് തെരഞ്ഞെടുപ്പ് കമ്മീഷൻ അടിയന്തരമായി നടപടി എടുക്കണമെന്നും ഹസന് ആവശ്യപ്പെട്ടു.