തിരുവനന്തപുരം: കട്ടൻ ചായയും പരിപ്പുവടയും എന്ന പുസ്തകത്തിന്റെ പ്രസാധനം നീട്ടിവച്ചതായി ഡി സി ബുക്സ്.
നിർമ്മിതിയിലുള്ള സാങ്കേതിക പ്രശ്നം മൂലം കുറച്ചു ദിവസത്തേക്ക് പ്രസിദ്ധീകരണം നീട്ടി വച്ചിരിക്കുന്നു എന്നാണ് ഡി സി ബുക്സ് ഫെയ്സ്ബുക്ക് പേജിലൂടെ അറിയിച്ചിരിക്കുന്നത്.
ഉള്ളടക്കത്തെ സംബന്ധിച്ച കാര്യങ്ങള് പുസ്തകം പ്രസിദ്ധപ്പെടുത്തുമ്പോള് വ്യക്തമാകുന്നതാണ് എന്നും കുറിപ്പില് പറയുന്നു. പുസ്തകം ഇന്ന് മുതല് വിറ്റഴിക്കണമെന്ന് സ്റ്റോറുകള്ക്ക് നല്കിയിരുന്ന നിർദേശം ഡിസി ബുക്ക്സ് പിൻവലിച്ചു.
അതേസമയം പുസ്തകം പ്രസിദ്ധീകരിക്കുന്നതിന് ഇ പി ജയരാജൻ ഡി സി ബുക്സുമായി കരാർ ഒപ്പിട്ടിരുന്നുവെന്നാണ് പ്രസാധകർ പറയുന്നത്. പുസ്തകത്തിൻ്റെ പ്രസാധന അവകാശം ഡിസിക്ക് തന്നെയാണെന്ന് പ്രസാധക കമ്പനി അധികൃതർ പറഞ്ഞു.
എന്നാല് പരസ്യ പ്രതികരണത്തിന് ഡി സി ബുക്സ് തയ്യാറായിട്ടില്ല.