കോട്ടയം: വേനല്ക്കാലത്ത് പലര്ക്കുമുള്ള പ്രശ്നമാണ് കരുവാളിപ്പ്. സൂര്യപ്രകാശത്തിലെ അള്ട്രാവയലറ്റ് രശ്മികളാണ് ചര്മ്മത്തില് കരുവാളിപ്പ് ഉണ്ടാക്കുന്നത്.
ചർമ്മത്തിലെ കരുവാളിപ്പ് അകറ്റാൻ സഹായിക്കുന്ന ഒന്നാണ് തൈര്. തൈരിലെ ലാക്ടിക് ആസിഡ് ചര്മ്മത്തിലെ മൃതകോശങ്ങള് നീക്കം ചെയ്യുകയും, കരുവാളിപ്പ് മാറ്റുകയും, കറുത്ത പാടുകളെ അകറ്റുകയും ചെയ്യും. അത്തരത്തില് സണ് ടാന് മാറ്റാന് സഹായിക്കുന്ന തൈര് കൊണ്ടുള്ള ചില ഫേസ് പാക്കുകളെ പരിചയപ്പെടാം.
ഒന്ന്
ഒരു ടീസ്പൂണ് കാപ്പിപ്പൊടിയിലേയ്ക്ക് ഒരു നുള്ള് മഞ്ഞളും ഒരു ടീസ്പൂണ് തൈരും ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം. മുഖത്തെ കരുവാളിപ്പ് മാറാന് ഈ പാക്ക് സഹായിക്കും.
രണ്ട്
ഒരു ടീസ്പൂണ് തൈരും ഒരു നുള്ള് നാരങ്ങാ നീരും ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം. മുഖത്തെ കരുവാളിപ്പ് മാറാന് ഇങ്ങനെ ചെയ്യുന്നതും നല്ലതാണ്.
മൂന്ന്
ഒരു ടീസ്പൂണ് തൈര്, ഒരു ടീസ്പൂണ് കടലമാവ്, ഒരു ടീസ്പൂണ് തക്കാളി നീര്, ഒരു ടീസ്പൂണ് തേന് എന്നിവ ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 15 മിനിറ്റിന് ശേഷം കഴുകാം.
നാല്
ഒരു ടേബിള്സ്പൂണ് തൈരിലേയ്ക്ക് ഒരു ടേബിള്സ്പൂണ് ഓട്സ് പൊടിച്ചത് ചേര്ക്കുക. ശേഷം ഈ മിശ്രിതം മുഖത്തും കഴുത്തിലുമായി പുരട്ടാം. 15 മിനിറ്റിന് ശേഷം കഴുകി കളയാം.