ദില്ലി: ‘പാര്ട്ടിയില് ചര്ച്ച ചെയ്തിട്ടില്ല, അനുമതി തേടിയിട്ടുമില്ല, ‘ പുസ്തകത്തിനായി ബൃന്ദ കാരാട്ട് പാര്ട്ടിയുടെ അനുമതി തേടിയിട്ടില്ലെന്നും സിപിഎം വൃത്തങ്ങള് പറയുന്നു. പാര്ട്ടിയില് പ്രകാശ് കാരാട്ടിന്റെ ഭാര്യയെന്ന നിലയില് മാറ്റിനിര്ത്തിയെന്നും അവഗണിക്കപ്പെട്ടുവെന്നുമാണ് പുസ്തകത്തിലുള്ളത്.1975 മുതല് 1985 വരെയുള്ള അനുഭവങ്ങളുടെ ഓര്മ്മക്കുറിപ്പുകള് സംയോജിപ്പിച്ച പുസ്തകത്തിലാണ് ബൃന്ദയുടെ പരാമര്ശങ്ങള്.
ആൻ എജുക്കേഷൻ ഫോര് റിത എന്നാണ് പുസ്തകത്തിന്റെ പേര്. നിരന്തരം സ്ത്രീകള് അവഗണിക്കപ്പെടുന്നുവെന്ന് പാര്ട്ടിയില് പലരും പരാതി ഉന്നയിക്കുന്ന കാലത്താണ് ബൃന്ദ തന്റെ മുൻകാല അനുഭവങ്ങള് പുസ്തകത്തില് എഴുതിയിരിക്കുന്നത്.
നേരത്തെ കൊല്ക്കത്ത പാര്ട്ടി കോണ്ഗ്രസില് നിന്ന് ബൃന്ദ കാരാട്ട് ഇറങ്ങിപ്പോയത് വിവാദമായിരുന്നു. പാര്ട്ടി കമ്മിറ്റികളില് സ്ത്രീകളെ തഴയുന്നതിന് എതിരെയായിരുന്നു പ്രതിഷേധം. ഈ നടപടിയില് പാര്ട്ടി ബൃന്ദക്കെതിരെ നടപടിയെടുത്തിരുന്നു. എന്നാല് ബൃന്ദയുടെ ആവശ്യം പിന്നീട് പാര്ട്ടിയില് പരിഗണിക്കപ്പെട്ടു. സ്ത്രീകളെ പാര്ട്ടിയുടെ ഉന്നത സ്ഥാനങ്ങളിലേക്ക് കൂടുതലായി പരിഗണിച്ചു.