ഇന്നലെ ബെംഗളൂരുവിൽ ആത്മഹത്യ ചെയ്ത കോണ്ഫിഡന്റ് ഗ്രൂപ്പ് ഉടമ സിജെ റോയ്യുടെ പോസ്റ്റ് മോര്ട്ടം പ്രാഥമിക റിപ്പോര്ട്ട് പുറത്ത്. മരണ കാരണം വെടിയുണ്ട ഹൃദയവും ശ്വാസകോശം തുളഞ്ഞു കയറിയുണ്ടായ പരിക്കാണ്. ഇരു അവയവങ്ങളും തകര്ത്ത് വെടിയുണ്ട പുറത്തു പോയി. 6.35എംഎം വലിപ്പമുള്ള വെടിയുണ്ട ശരീരത്തില് നിന്ന് കണ്ടെത്തി. വെടിയുണ്ടയുടെയും ശരീര ഭാഗങ്ങളുടെയും സാമ്പില് ഫോറന്സിക് ലാബിലേക്ക് അയച്ചെന്നും ബൌറിങ് ആശുപത്രി മെഡിക്കല് സൂപ്രണ്ട് എംഎന് അരുണ് പറഞ്ഞു.
അതേസമയം സിജെ റോയിയുടെ സംസ്കാരം നാളത്തേക്ക് മാറ്റി. ബന്ധുക്കള് വിദേശത്ത് നിന്ന് എത്താന് വൈകുന്നതിനാലാണ് സംസ്കാരം മാറ്റിയത്. ഇന്ന് സംസ്കാരം നടത്താനായിരുന്നു നേരത്തെ തീരുമാനിച്ചിരുന്നത്. സഹോദരന്റെ വീട് സ്ഥിതി ചെയ്യുന്ന കോറമംഗലയിലെ ദേവാലയത്തില് ആണ് സംസ്കരിക്കുക. പോസ്റ്റുമോര്ട്ടത്തിന് ശേഷം രാവിലെ 9 മണിയോടെ ബെംഗളൂരു ബോറിംഗ് ആശുപത്രിയില് നിന്നും മൃതദേഹം കോറമംഗലയിലെത്തിക്കാനായിരുന്നു തീരുമാനം. എന്നാല് സംസ്കാരം മാറ്റിയ സാഹചര്യത്തില് മൃതദേഹം നാളെ രാവിലെ വരെ ബോറിംഗ് ആശുപത്രി മോര്ച്ചറിയില് സൂക്ഷിക്കും.