സ്വന്തം ലേഖകൻ
കോട്ടയം : പുതുപ്പള്ളി ഉപതിരഞ്ഞെടുപ്പില് ആദ്യ റൗണ്ടില് യുഡിഎഫ് സ്ഥാനാര്ഥി ചാണ്ടി ഉമ്മന്റെ ലീഡ് 6698. അയര്ക്കുന്നത്ത് വിയര്ത്ത് ജെയ്ക് സി. തോമസ്. വോട്ടിങ് കേന്ദ്രത്തിനു പുറത്തും പുതുപ്പള്ളിയിലെ വീട്ടുമുറ്റത്തും യുഡിഎഫ് പ്രവര്ത്തകര് ആഘോഷം തുടങ്ങി.
പത്തുമിനിറ്റ് വൈകിയാണ് വോട്ടെണ്ണല് ആരംഭിച്ചത്. 2629 തപാല്വോട്ടുകളാണ് ഇക്കുറിയുള്ളത്. തപാല് വോട്ടുകളെണ്ണിയപ്പോള് തുടക്കം മുതല് തന്നെ ചാണ്ടി ഉമ്മനായിരുന്നു ലീഡ്.