ബാഗളൂരു: ബെംഗളൂരുവില് മലയാളി യുവതി ബലാത്സംഗത്തിന് ഇരയായതായി പരാതി.
കഫെയില് പാർട്ട് ടൈം ജോലി ചെയ്യുകയായിരുന്ന യുവതിയെ സുഹൃത്തുക്കളുടെ താമസസ്ഥലത്ത് വച്ചാണ് പീഡിപ്പിച്ചത്.
മഡിവാളയില് താമസിക്കുന്ന ബത്തേരി സ്വദേശി ഹൈനസിനെതിരെയാണ് പരാതി. ഈ മാസം 12ന് പീഡനം നടന്ന് തൊട്ടടുത്ത ദിവസം തന്നെ പൊലീസ് സ്റ്റേഷനില് എത്തിയെങ്കിലും പരാതി സ്വീകരിച്ചില്ലെന്നാണ് കോട്ടയം സ്വദേശിയായ 20കാരി ആരോപിക്കുന്നത്.
ഡിസിപിക്ക് പരാതി നല്കിയ ശേഷമാണ് ഒടുവില് പൊലീസ് കേസെടുക്കാൻ തയ്യാറായതെന്നും യുവതി പറഞ്ഞു.
അതേസമയം, പൊലീസ് സ്റ്റേഷനില് വച്ചും പരാതിക്കാരിയെ പ്രതി ഭീഷണിപ്പെടുത്തി. പരാതിയില് നിന്ന് പിന്മാറിയില്ലെങ്കില് കൊല്ലും എന്നായിരുന്നു ഭീഷണി.
മഡിവാള പൊലീസും കേസ് ഒത്തുതീർക്കാൻ ആവശ്യപ്പെട്ടെന്നും യുവതി പറയുന്നു.