മാതാപിതാക്കളില് നിന്നും പണം തട്ടുന്നതിന് വേണ്ടി സ്വന്തം തട്ടിക്കൊണ്ടുപോകല് നാടകം നടത്തുന്നവരെ ഒരുപാട് നാം സിനിമകളില് കണ്ടിട്ടുണ്ട്. നിന്നും പണം തട്ടുന്നതിന് വേണ്ടി സ്വന്തം തട്ടിക്കൊണ്ടുപോകല് നാടകം നടത്തുന്നവരെ ഒരുപാട് നാം സിനിമകളില് കണ്ടിട്ടുണ്ട്.
എന്നാല്, ഇപ്പോള് വാർത്തകളിലും നാം അത്തരത്തിലുള്ള ഒരുപാട് ആളുകളെ കാണാറുണ്ട്. ബീഹാറിലെ കൈമൂർ ജില്ലയിലും ഉണ്ട് അങ്ങനെയൊരു യുവാവ്. അച്ഛനില് നിന്നും പണം തട്ടുന്നതിന് വേണ്ടിയാണ് സ്വന്തം തട്ടിക്കൊണ്ടുപോകല് നാടകം യുവാവ് നടത്തിയത്.
കേള്ക്കുമ്ബോള് യുവാവിന്റെ ഉദ്ദേശ്യം നല്ലതാണ് എന്നൊക്കെ തോന്നും. കോട്ടയില് പഠിക്കാൻ പോകുന്നതിന് വേണ്ടി യുവാവ് അച്ഛനോട് പണം ചോദിച്ചു. എന്നാല്, അച്ഛൻ കൊടുക്കാൻ തയ്യാറായിരുന്നില്ല. ഇതേ തുടർന്നാണ് യുവാവ് തന്നെ സ്വയം തട്ടിക്കൊണ്ടുപോയതായി ഒരു നാടകം നടത്തിയതും അച്ഛനില് നിന്നും പണം ആവശ്യപ്പെട്ടതും.
വ്യാ.ഴാഴ്ച ഒരു പരീക്ഷയ്ക്ക് പോയതാണ് യുവാവ്. എന്നാല്, തിരികെ എത്തേണ്ട നേരം കഴിഞ്ഞിട്ടും അവൻ വീട്ടില് എത്തിയില്ല. പിന്നാലെ, യുവാവിന്റെ കുടുംബത്തിന് ഒരു ഫോണ് കോള് വന്നു. യുവാവിനെ തട്ടിക്കൊണ്ടു വന്നിരിക്കുകയാണ് എന്നും വിട്ടുകിട്ടണമെങ്കില് രണ്ട് ലക്ഷം രൂപ നല്കണം എന്നുമാണ് ഫോണില് വിളിച്ചയാള് പറഞ്ഞത്.
മാത്രമല്ല, ആ പണം മകന്റെ അക്കൗണ്ടിലേക്ക് ഇട്ടാല് മതി എന്നും വിളിച്ച ആളുകള് പറഞ്ഞു. എന്നാല്, കുടുംബം അതിനേക്കാള് ബുദ്ധിയുള്ളവരായിരുന്നു. അവർ നേരെ പൊലീസില് വിവരം അറിയിക്കുകയാണ് ചെയ്തത്. സംഭവം അന്വേഷിക്കുന്നതിനായി പൊലീസില് നിന്നും ഒരു സ്പെഷ്യല് ടീമിനെയും പിന്നാലെ നിയോഗിച്ചു.
ഞായറാഴ്ച കല്ക്കത്ത റെയില്വേ സ്റ്റേഷനില് നിന്നും യുവാവിനെ കണ്ടെത്തി. സുരക്ഷിതമായി വീട്ടില് എത്തിക്കുകയും ചെയ്തു. പിന്നീടുള്ള ചോദ്യം ചെയ്യലില് യുവാവ് സത്യം തുറന്ന് പറഞ്ഞു. അച്ഛനോട് പഠിക്കാൻ പോകാൻ പണം ചോദിച്ചിട്ട് തന്നില്ല. അത് സഹോദരിയുടെ വിവാഹത്തിന് വേണ്ടി മാറ്റി വച്ചിരിക്കുകയായിരുന്നു. അതിനാലാണ് തട്ടിക്കൊണ്ടുപോകല് നാടകം കളിച്ചത് എന്നും യുവാവ് പറഞ്ഞു.