കാസര്കോട്: പരാതി അന്വേഷിക്കാനെത്തിയ എസ്.ഐ.യെ പ്രതി കടിച്ച് പരിക്കേല്പ്പിച്ചു.
വെള്ളരിക്കുണ്ട് എസ്.ഐ. അരുണ് മോഹന് നേരേയാണ് ആക്രമണമുണ്ടായത്.
എസ്.ഐ.യെ ആക്രമിച്ച സംഭവത്തില് മാലോത്ത് കാര്യോട്ട് ചാല് കാഞ്ഞിരക്കുണ്ടിലെ രാഘവന് മണിയറ(50)യാണ് പിടിയിലായി.
ഞായറാഴ്ച വൈകീട്ടോടെയായിരുന്നു സംഭവം.
മാതാവിനെയും സഹോദരെയും രാഘവന് ഭീഷണിപ്പെടുത്തിയെന്ന പരാതി അന്വേഷിക്കാനാണ് എസ്.ഐ.യുടെ നേതൃത്വത്തിലുള്ള പോലീസ് സംഘം കാഞ്ഞിരക്കുണ്ടിലെ ഇയാളുടെ വീട്ടിലെത്തിയത്.
എന്തിനാണ് ഇരുവരെയും ഭീഷണിപ്പെടുത്തുന്നതെന്ന് ചോദിച്ചതോടെ രാഘവന് തന്റെ വലതുകൈയില് ആഴത്തില് കടിച്ചുപരിക്കേല്പ്പിച്ചെന്നാണ് എസ്.ഐ.യുടെ പരാതിയില് പറയുന്നത്. പിന്നാലെ പ്രതിയെ ബലംപ്രയോഗിച്ച് കീഴ്പ്പെടുത്തിയശേഷം എസ്.ഐ. സ്വകാര്യ ആശുപത്രിയില് ചികിത്സ തേടുകയായിരുന്നു.