കൊല്ലം: കൊല്ലം നീണ്ടകരയില് ലഹരിമരുന്നുമായി മൂന്നുപേർ പിടിയില്.
മുണ്ടയ്ക്കല്, ഉദയമാര്ത്താണ്ഡപുരം സ്വദേശി രാജീവന്, അരുണ്, ആദിനാട് കാട്ടില്കടവ് സ്വദേശി അശ്വതി എന്നിവരാണ് അറസ്റ്റിലായത്.
പൊലീസിന് കിട്ടിയ രഹസ്യ വിവരത്തിന്റെ അടിസ്ഥാനത്തിലായിരുന്നു നടപടികള്. ശക്തികുളങ്ങര പൊലീസും ഡാന്സാഫ് ടീമും സംയുക്തമായി നീണ്ടകര പാലത്തിന് സമീപത്ത് നിലയുറപ്പിച്ചു.
രാജീവനും അരുണും സഞ്ചരിച്ച ബൈക്ക് എത്തിയപ്പോള് തടഞ്ഞ് നിര്ത്തി നടത്തിയ പരിശോധനയിലാണ് വില്പ്പനക്കായി കരുതിയിരുന്ന 30 ഗ്രാം എം.ഡി.എം.എ കണ്ടെത്തിയത്.
740 ഗ്രാം എം.ഡി.എം.എയുമായി കരുനാഗപ്പള്ളി പോലീസിന്റെ പിടിയിലായ അശ്വതിയേയും ഇവർക്ക് എം.ഡി.എം.എ വിതരണം ചെയ്തതിന് പോലീസ് അറസ്റ്റ് ചെയ്യുകയായിരുന്നു.
