കോട്ടയം: കേരള ഗവൺമെൻറ് മെഡിക്കൽ ഓഫീസേഴ്സ് അസോസിയേഷൻ (കെ.ജി.എം.ഒ.എ) യുടെ 58 മത് സംസ്ഥാന സമ്മേളനം വന്ദനം 2025 ജനുവരി 18, 19 തീയതികളിൽ, കോട്ടയം കുമരകം കെ ടി ഡി സി വാട്ടർ സ്പെയ്സിൽ ( ഡോ. സി.എർ സുഗതൻ നഗർ) വച്ച് നടക്കും.
18 ന് രാവിലെ 8.30 -ന് സംസ്ഥാന പ്രസിഡന്റ് ഡോ. ടി എൻ സുരേഷ് പതാക ഉയർത്തും. പത്തു മണിക്ക് നടക്കുന്ന ചടങ്ങിൽ സഹകരണ, തുറമുഖ ദേവസ്വം വകുപ്പ് മന്ത്രി വി എൻ വാസവൻ സമ്മേളനം ഉദ്ഘാടനം ചെയ്യും.
ഡോ. കെ വേണുഗോപാലൻ മെമ്മോറിയൽ മെഡിക്കൽ തുടർ വിദ്യാഭ്യാസ പരിപാടി സംസ്ഥാന ജനറൽ ബോഡി യോഗം . മുതിർന്ന നേതാക്കളെ ആദരിക്കൽ ചടങ്ങുകൾ നടക്കും വിദ്യാർത്ഥികൾക്കായുള്ള സംസ്ഥാനതല ഹൈസ്കൂൾ ആരോഗ്യ പ്രശ്നോത്തരി അമൃതകിരണം മെഡി ഐക്യു സീസൺ, ഗാൻ്റ് ഫിനാലെ വിവിധ സംഗമം, എന്നിവയും അരങ്ങേറും. ജില്ലകളിൽ നിന്നുള്ള ആയിരത്തോളം പ്രതിനിനിധികൾ പങ്കെടുക്കും..
19ന് രാവിലെ സംഘടിപ്പിക്കപ്പെടുന്ന പൊതുസമ്മേളനം, ആരോഗ്യ, വനിതാ-ശിശുക്ഷേമ വകുപ്പ് മന്ത്രി വീണ ജോർജ് ഉദ്ഘാടനം ചെയ്യും.
തുടർന്ന് 2025 വർഷത്തെ പുതിയ ഭാരവാഹികൾ സ്ഥാനമേൽക്കും. 2024-ലെ ആരോഗ്യ രംഗത്തെ മികച്ച റിപ്പോർട്ടിംഗിനുള്ള ഡോ. എം. പി സത്യനാരായണൻ മെമ്മോറിയൽ മാധ്യമ അവാർഡ്, റിപ്പോർട്ടർ ടി വി ചീഫ് റിപ്പോർട്ടർ സാനിയോ സി.എസ് നും ആരോഗ്യരംഗത്തെ മികച്ച
സന്നദ്ധപ്രവർത്തനത്തിനുള്ള ഡോ. എസ്.വി സതീഷ് കുമാർ മെമ്മോറിയൽ അവാർഡ്, കോഴിക്കോട് ജില്ല ആസ്ഥാനമാക്കി രക്തദാനരംഗത്ത് സ്തുത്യർഹമായ സേവനം കാഴ്ചവയ്ക്കുന്ന ഹോപ്പ് എന്ന സംഘടനയ്ക്കും. ബെസ്റ്റ് ഡോക്ടർ അവാർഡുകൾ ഡോ. ജമാൽ അഹമ്മദ്, ഡോ. രഞ്ജിത്ത് ആർ, ഡോ. ദീപ്തി ലാൽ പി.എൽ, ഡോ. സയ്യദ് ഹമീദ് ഷുഹൈബ് കെ.എസ് എന്നിവർക്കും സമ്മാനിക്കും
ഓർഗനൈസിംഗ് ചെയർമാൻ ഡോ.വിനോദ് .പി ,ഓർഗനൈസിംഗ് കോ-ചെയർമാൻ ഡോ.ശബരിനാഥ് സി.ഡി ,ഓർഗനൈസിംഗ് പ്രസിഡണ്ട്
ഡോ. പ്രീത എസ്.വൈ ,ഓർഗനൈസിംഗ് സെക്രട്ടറി ,ഡോ. ആഷിക് രാമചന്ദ്രൻ
എന്നിവർ പത്രസമ്മേളനത്തിൽ പരിപാടികൾ വിശദീകരിച്ചു.
